POETI CONTEMPORANEI

'E ZAMPUGNARI.

E vanno ‘e zampugnari pe’ ‘sti vvie
Cuntiente e’ stà pe’ ‘mmiez’ ‘o fridde e ‘o ggelo
Cu’ ‘nu pensiero ‘ncopp’a tanta storia
Ca ll’arravoglia
E ca ‘e cummoglie.

Vanno cantanno e sunanno 'a nuvèna
p'a Maronna 'a Mmaculata Cuncètta:
sunanno sunanno, allariano 'a vèna
- Arrassusia! -
e' 'sta poesia.

Si chiove o ciocca o tir'o viénto girono
p'e vvie e' 'sta città. Mmièzo 'e rummuri
d'e mmachine, d'a ggènte e d'e criaturi
se sènte appèna
chèsta nuvèna.

Siénte! 'stu suono commo e' luntananza
pare 'na voce presentosa e tènnera
ca scènna 'mpiétto e t'arravota 'a panza
pe' chesta vèna
e' 'sta nuvèna.

Commo si ascèssa a' rint'a nèglia scura
'na voce nova, 'nu pensiéro chiaro,
'a faccia e' n'ato, ll'uocchio e' 'na criatura
ca t'arravoglia
e te cummoglia.

E j' me 'ncanto a sentì 'stu suono roce
e' zampogna ca porta d'o passato
'na frèva e' nustalgia, 'nu canto, 'a voce
- Arrassusia! -
e' 'sta poesia.

*

condividi su Facebook condividi su Twitter